120 pages
Euskara language
Published by Elkar.
Lagun guztiak oporretan, eta haietako batek utzitako txakurra zaintzen pasa behar du uda Judithek; ama hil-hurren dagoela-eta, hiru neba-arrebek egingo dute topo aspaldiko partez, eta haien arteko ezinegonak azalduko dira berriz ere; bikote baten bidaia zoragarriaren erdian, ezusteko txiki bat amildegi bihurtzen joango da, ezinbestez… Zortzi istorio idatzi ditu Aintzane Usandizagak bere lehenengo liburu honetan; egunerokotasun grisean zirrikituak eta giza harremanetan arrakalak bilatzen dituzten ipuinak, jendeei eta egoerei begirada zorrotz eta sakona eskaintzen dakitenak, agerikotik harago doazenak; hitz zehatzarekin asmatzen duten kontakizunak, zaurian hatza sartzen duenaren trebeziaz eta ausardiaz.
Oso erraz irakurtzeko ipuinak, gure eguneroko bizipenetatik gertu sentitu ditzakegunak. Modu ezberdinetan, baina protagonistek kabitu ezina sentitzen dute. Modu berean sentitu izan naizen uneekin konektatu eta egoera hauek berrirakurtzeko balio izan dit. Idazkera ederra!
8 ipuinek osatzen dute liburua, denak desberdinak, baina hari berari tiraka idatziak, protagonisten kabitu ezinak hain justu; egoera ez erosoak, norberaren azalean egoteko ezina edo lekuz kanpo sentitu eta taldearekin bat ez etortzearen sentipenak.
Norberaren kabitu ezinetan sakondu eta pentsatzeko parada eskaintzen du liburuak. Asko gozatu dut irakurketarekin.
